你好阿sir, 我係初班學生。多謝阿sir每堂用心教學，番左成個星期工仲要聽4粒鐘書真係好金，但我相信對日後理財上面好有幫助！
我今年37，現供緊樓，另有儲蓄大概1M，想一半拎黎投資，希望投資將來可以增值保障生活。
現時倉有：
水桶1
868 信義玻璃 平均買入價 10.9 2000股
水桶2
388 港交 平均買入價 284 300股
700 騰訊 262.8 100股
823 領展 平均買入價 55.1 800股
66 地鐵 平均買入價 38.017 1500股
水桶3
6823 香港電訊 9.02 1000股
想請教阿sir:
1. 目前budget 50萬投資股票，現留一半等機會再入平貨，另外50萬cash日用及應急。你覺得這個安排可以嗎？
2. 現時選股／配置上有無問題及改善地方？
3. 水桶3我打算安排15%，本來計劃買6823，但現時股價回番少少就停左手。你覺得除左6823外，作為水桶3收息穩健部署，941／883／2388邊隻較優質？
4. 水桶1我現時只有一隻868，會不會太保守？水桶1有沒有其他港股推薦可以study下？會否建議轉買美股？
5. 我贊同阿sir既價值投資法，但成日聽d講股佬講沽空,其實係咩概念？係點樣左右股價？
唔好意思太多問題。先謝謝回覆。
而家經常都聽財經節目，發現大多講黎講去都係d熱門股e.g ATMX，講股人太多好多資訊有時真係好難分析。希望黎緊阿sir可以分享多d唔同個股包括美股既深入分析，多多學習。
Thanks n Best Wishes
個案重點：
‧37歲
‧需要供樓，
‧儲蓄大概$100萬
重點目標：
‧想$50萬投資股票，一半等機會入平貨
‧股票組合的改善
龔成老師分析：
1）現時的大市處於合理區底部，現金和股票的比例可以到3：7或2：8，當然如果你有生活負擔，想多留些現金也是可以的。
2）你組合較多港股，如果想平衡，可加入美股，最入門是（VOO）。Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
信義玻璃(0868)屬於平穩增值股，屬於水桶2，其他的問題不大，都是優質股，建議你可以加入潛力股來加强組合的增長力。
但「潛力股」係需要一定經驗和有一定波動性，可以先小注，大約佔組合3成左右。若你係有一定經驗，你可以投資到約5成比重。
潛力股可選安碩恒生科技(3067)、阿里（9988）、騰訊（0700）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。
現時安碩恒生科技(3067)、騰訊（0700）、阿里（9988）、中生製藥（1177）、小米（1810）、舜宇光學（2382）都有投資值博率，算是合理區中間以下區域。
另外，騰訊（0700）係水桶1-2，唔係水桶2。
3）水桶3的增長力不强，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
但如果你投資取態保守，持有部分水桶3也未嘗不可。
香港電訊（6823）是業務穩定的股票，過往的派息比率達100%，絕對是典型的收息股，現價合理，其實只要是合理價錢就可以分注。
中移動（0941）不是無質素的，但增長力不算強，可視佢為收息股，這股有長線投資價值。現價合理。
中海油（0883），中銀香港（2388）屬於平穩增值股，不是收息股。其中中海油屬於商品類別，質素中等，不適宜持有過多，現價合理，但不平。
收息股你可以留意︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。
4）參考第二點。
美股都可以投資，你可以先從指數基金開始，例如（VOO)和（QQQ)，前者水桶2，後者水桶1。裡面有好多優質的股票，你可以先研究。
5）沽空，即是你手上無貨，賣出，等股價跌先再買入，能在跌市中獲利。
沽空都有一定的風險，如果賣出股票後，股價持續上升，就要以一個很高的位買入，將會出現很大的虧損。
而且，我地投資買優質企業，等佢成長，所以係長線。而沽空這類估走勢的策略，我地係唔會用。
另外，你可以睇我寫架《80後千萬富翁》、《財務自由行》和《股票勝經》，可以幫你加強基礎。如果想了解股票質素，可以買埋我最新出架《38全球倍升股》，當中包含港和美股分析。
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「Kung Shing」
若有問題發問，可在fb專頁「龔成」（www.facebook.com/80shing）inbox。