最近港股炒一個主題，真係要同大家講下，半新股+AI，上次港股業績有一部份未講就係近年上市未有3年業績的公司，而最可惜的是最近資金炒既就係我未講的這類公司，真係俾個市吹脹。
重點: 9955智雲健康回返近5天可以買D搏短線賺20%。(無得SET ALERT要人手監測)
物管重點:喜歡大型民企就揀碧服(6098)或萬物雲(2602)，喜歡中小型可以揀濱江物管(3316)
大型民企物管: 碧服(6098)，萬物雲(2602)
碧服(6098)，仍處於下降通道，近期$12.22做左雙底，搏反彈目標17蚊潛在升幅約30%(市盈率將會由20倍回升至26倍與同業相若)
萬物雲(2602)，剛升穿降軌，歷史頂位是與華潤萬象相近估值(38-39倍市盈率)，短期反彈預期17%升返44元水平。
中小型民企物管:濱江物管(3316)，建發物管(2156)
濱江物管(3316)現時市盈率15倍左右，上返之前幾年平均值20倍都有33%潛在升幅。
建發物管(2156)現時市盈率近24倍，未必有太大上升空間。
_a
https://docs.google.com/spreadsheets/d/14cUweZMQTCkAxiHoQW43jo2hMDxi5Ssmn605hHsXC84/edit?usp=sharing
上圖是過去一周有升的，成交額超100萬，下半年收入有增長的十幾間公司按升幅排列，第1隻2121創新奇智，業績是3月31收市後出，公司上半年收入增長已經是76%，下半是增84%，毛利率同比增6%，虧損收窄。業績入面都係不斷強調AIGC，有趣既係上半年份業績只有AI，無提AIGC，全年果份就有29次寫左AIGC。不過之前一直炒AIGC既時間，公司股價由1月尾25蚊跌返去3月31最低15蚊，然後出個業績就開始炒，2日升70%，預計急升之後靠概念慢慢回返落黎。
_a
睇返公司過去股價都係大幅上落，幾好炒既，但唔好坐。
_a
上半業績無提過AIGC
https://www1.hkexnews.hk/listedco/listconews/sehk/2022/0929/2022092900308_c.pdf
全年業績不斷提
https://www1.hkexnews.hk/listedco/listconews/sehk/2023/0331/2023033102174_c.pdf
_a
2455潤華是今年1月上市的醫院物管民企，同AI無咩關係所以唔講，咁第2間9955智雲健康，3月22收市後已經出業績，但成交大增是3月13，當日股價升41%但第2日回返16.7%，之後幾日都係連跌。去到3月21先升返17%，之後先開始再升。呢間係醫院及藥店AIOT雲既服務供應商，收入增長上半年是95%，下半增53%，基本面無咩特別好講，睇成交。最近多返人炒，今日成交9千萬HKD，港股排名154，算是較前列。最特別是平均線理順左5天高於10天高於20天，過多幾日就20高於50，如果回返俾機會大家上車可以近5天買D搏短線。
_a
_a
第3間2392玄武雲，唔會考慮。
1.收入增長唔高，上下半年收入增長低於10%，雖然佢都話自己係AI但同同業比差很遠 2.股價完全無人炒，上年11月好多股都轉勢衝上，佢升都無升過，一直橫行(上圖左邊日線圖見到)
3.成交少，一直成交都係少於100萬，得好少日子過百萬，過500萬係極少。
2392會唔會有人炒? 無人知，可以無理由照炒，有人課金就好易炒得起，而我唔會知有冇人會課金，只係睇牌面唔似會有人課金。
_a
第4間2602萬物雲，萬科子公司(萬科持股56%)，做住宅物管+商業物管+城市+雲(AIot+BPaaS)，因為業務分散(沒有集中住宅)，又不是單靠母公司，所以沒有好似其他物管咁出現虧損。(有些物管被母公司拖數唔找數而被逼撇賬導致虧損，2602沒有這個情況)。基本面不太差，上半收入增38%，下半增18%，增長有放緩但仍然算高增(貼近20%)，利潤跌7.5%，EBITDA增7.6%，經營現金流入27.56億高於利潤15.86億。
股價圖就自1月初55蚊跌至最近37.6左右，跌幅30%左右，近期低位係3月30，32.3元，最近連升2日各升6%，因為累升十幾%升穿左降軌，今日係首日EMA5升高於EMA10天(如下圖左邊見到36.35高於36.31)，是1月17跌穿以來首日升穿。
_a
都講下現時物管市場係點
_a
現時2602萬物雲市值442億，排名與碧桂園服務相若(都係442億)，最大係國企華潤既物管，民企就碧服同萬物雲。
_a
上圖是首8大物管過去2年4個上下半年收入增長情況。
普遍收入增長都係放緩，除左華潤萬象2022下半增有加快，保利都有(只係2021上半太高)，兩間都係國企子公司，中海都係國企雖然增長放緩但增長高於30%，以上3家國企都係增長高增長的，所以估值都高，華潤市盈率38.6倍，中海24.6倍，保利20.8倍。
民企下半年都係低增甚至收入減少，融創收入減32%，雅生活減1%，民企中增長最高碧服，其次萬物雲，之後綠服。碧服市盈率20.3倍，萬物雲26.2倍，綠服26.7倍。融創虧損，雅生活4.5倍。
_a
市值較少的物管都是民企，下半收入表現都是差，除左3316濱江，維持40%以上增長，如果睇返濱江母企濱江集團(002244)，杭州民企開發商，股價一直升，唔同其他民企內房股價插水，港股無跌過既民企內房應該得建發(1908)，建發物管(2156)因為太少成交不在表中，2156同同3316收入增長都一樣係40%以上。
_a
_a
_a
上圖碧服6098，仍處於下降通道，近期$12.22做左雙底，搏反彈目標17蚊潛在升幅約30%
物管小結
大型國企物管:華潤萬象(1209)
1209估值高，11月至1月急升後轉慢向下行，暫時未有什麼吸引因素
大型民企物管: 碧服(6098)，萬物雲(2602)
碧服(6098)，仍處於下降通道，近期$12.22做左雙底，搏反彈目標17蚊潛在升幅約30%(市盈率將會由20倍回升至26倍與同業相若)
萬物雲(2602)，剛升穿降軌，歷史頂位是與華潤萬象相近估值(38-39倍市盈率)，短期反彈預期17%升返44元水平。
中小型民企物管:濱江物管(3316)，建發物管(2156)
濱江物管(3316)現時市盈率15倍左右，上返之前幾年平均值20倍都有33%潛在升幅。
建發物管(2156)現時市盈率近24倍，未必有太大上升空間。
以上都是很簡單去睇各物管市盈率，實際應該要每間將利潤表D數執一次先計清楚實際利潤，但大致上方向都不會太大轉變，喜歡大型民企就揀碧服(6098)或萬物雲(2602)，喜歡中小型可以揀濱江物管(3316)