Q43201：
成兄,想請教你,現在恒指至這水平,層樓仲欠大約一百萬,我阿媽叫我賣了股票,贖層樓,其實大約2030就供完,請問我應否聽阿媽話,謝謝
龔成老師：
你最重要分析，每個方案的利弊，在投資世界，沒有完美的做法，只有那個方案較適合自己。
如果你現時將股票賣出，贖樓，好處是不用再支付利息，同時如果恆指下跌，你這動作就有利。
如果你選擇不賣出，你就要繼續支付按息，但如果恆指這段時間向上，當中的升幅及回報，大過你要支付的按息，你就有利。
雖然我個人認為，如果以5年作單位，恆指升幅的機會較貶值的機會大，但無人知結果的。
所以，如果你對投資無信心，怕風險，怕大市大跌，就可以選擇賣樓選錢，沒有股票，沒有負債，沒有按息，這是最不用面對風險的做法。
不過，如果你能承受基本風險，對投資有少少知識，如果預期大市升幅加股息，比你要支付的按息，就可以繼續持有，或等大市再明顯大升，先減持或賣出。
Q43202：
老師 如果用12000會怎樣投資
老師如果買ETF那些較好
龔成老師︰
你是本金有$12000，定每月儲$12000???
<<如果係一筆過本金>>
由於金額不多，建議集中指數ETF，例如2800和VOO。
<<若果係每月可儲$12000>>
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
現在你每月先用5成儲蓄，即$6000做月供。其餘先儲起，用一邊月供一邊儲蓄的策略。
月供方面，平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
Q43203：
問多句 有無機會 分享下 有什麼類型股票 由普通 因為核心有改變 成為優質股 之前睇你fb page 優質股減持 除非 核心質素有變 減弱
龔成老師︰
而類核心性轉變，可以發生係任何企業，而佢架轉變有機會係內在，或者外在因素影片。
例如好似小米(1810)，佢因行低端高性價比的手機供應商，到現在多元和高協同性架業務生態，令到佢核心價值大幅提升，而個係發自「內在」。
例如英偉達，以往GPU主要係用於遊戲和加密貨幣掘礦。但訓練AI架需求出現，令到佢架GPU成為搶手貨。而個核心性轉變，係來自「外部」。
所以，我地分析一隻股票，一定要好立體。由企業本身，到行業和大環境經濟，去一併考量，才會較易找到相當機會。
而依方面能力，係要累積，所以上完堂都要多用當中技巧，去到做分析訓練。當累積到一定經驗，你就會慢慢有能力察覺更多市場潛在機遇。
加油!!!
Q43204：
我有兩個問題
1/ 0012 最近有新聞
我想了解係 對我哋有持股既有咩影響
2/ 美股coin
我本身係crypto 投資者
我買左33股 coin 係$197 既時候 近期大升，獲利100%
可唔可以通下點部署 持有 定係放部分好
現價佔我美股大約30% 持股
龔成老師：
1）恆基（0012）無核心性改變。
近幾年地產較弱，佢都有影響，其實最近半年，情況已經有好轉，無論是樓市已有初步定的情況，以及地產發展商的負債問題，都有穩定情況，所以正慢慢向好，長遠仍是不差的收息及基本增長類股票。但賺錢能力就不及過往年代。
2）這股我自己都有貨，我明白是高風險，我的策略是「大賺或大蝕」，不會博賺少少，也不會持貨過多。你要計這股佔你整個股票組合%（不單計美股），去決定是否要減。
所以，你可考慮賣一半，餘下長線，博佢進一步增長，耐心持有，不理佢。
Q43205：
Hello 阿sir, 想問下有關同業分析：
我而家對一間從事急凍海鮮批發既公司進行緊同業分析，如果係你，你會用咩標準黎衡量納入同業分析既標準？
我去過tradingview 既food distributor 板塊發現幾乎冇相似既公司。問chatgpt，亦未有提供十分相近既公司。我係咪應該放寬對「同業」既定義？但咁樣比較既representativeness 又好似差d
龔成老師：
最重要是「營運模式」接近。
首先從同業，大家營運模式接近的企業著手，就算規模不同都不重要，最重要是「營運模式」。
另外，你可以作顧客角度分析，如果你是客，要買佢的產品，除了這間外，市場上有那些選擇？還是只有佢一間？
Q43206：
成哥你好！想請教一下：
1）手持70萬cash, 想拎50萬投資一半港股（收息銀行股+公用收息股），另一半分注入美股（VOO, NVDA,UBER) ，以上allocation 有冇高見分享一下？
2） 我做長線投資，唔係短炒，喺銀行買股票好定證券公司買好？
感謝你嘅時間回答😊
龔成老師：
1）$50萬投資股票是可以的，但記住，這些資金你中短期不需要運用，可以理解是「閒錢」。
至於買入策略，不要一次過大手，而是慢慢分注買入，將買入價平均，這樣能有效減少風險。
$50萬一半港股一半美股，是可以的。港股見你的安排，應該是想投資收息股，方向可以的，如要要優化，可以這樣：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
銀行及公用也是不差收息股。
由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
至於美股部分，你可以用VOO作中心，加上其他股，NVDA,UBER這兩股可以，但你預風險會高少少。
2）無所謂，方便你自己就得，香港監管不差，銀行及證券行都穩陣。一般來說，銀行手續費高少少，但會方便D，而證券行就平D。
Q43207：
龔sir，多謝您回覆我。
其實我都想知道要如何驗證平台真假？請問可否教我？唔好意思！又要麻煩您！
因為突然話配左幾十萬股，要求比錢，唔比就要法律追討。
我覺得呢點好奇怪，唔係應該要確定有資金先會配股嗎？點解會配左股先要求比錢呢？
但平台而家就一直話係因為使用者同意跟單，所以先會配股，如果唔比錢就要追討。
不知道這樣的做法合法嗎？
龔成老師：
坦白講，我聽到你講
「配左幾十萬股，要求比錢，唔比就要法律追討」，令人好擔心！！！正常證券行不會這樣做！
你可以打去證監會問：22311222
或打電話去防騙易：18222
Q43208：
多謝詳細講解 我早2日都買左啊sir 百萬富翁既書 呢個都係我中短期目標
多謝上次分析1788 股票 我無好急放 等左一星期放左一半股份 都earn 左30-40% 我見佢業績出左盈喜 其實佢核心business 有些轉變 多左 穩定幣 同埋佢收入多左 先出盈喜
我想再加注多少少 請問這股前景睇好嗎？ 加注好嗎？
龔成老師︰
國泰君安國際（1788）主要從事經紀、企業融資、資產管理、貸款及融資、金融產品，做市業務及投資業務。
過往業務發展不過不失，雖然生意有增長，但盈利卻無增加，反映佢的賺錢能力唔算強，質素亦未算好高。
長遠相信平穩增長，但未必是高增長類。
近期佢受惠於熱炒穩定幣概念，升左唔少。不過，成件事仲係發展初期，有好多不確定性(例如是否能力為發行商、具體政策如何落實、穏定幣長線規模、到時市場競爭格等)。
所以，現價其實反映左好多正面因素。若最終發展不似預期，相信會有較大調整，故睇好都不建議太大注碼。
Q43209：
龔sir 你好, 有啲問題想請教你
如果本身有揸NVDA, AMZN既股票，SPLG都有KEEP住買
由於銀行定期依家好低息 , 想拎50%-80%備用資金放曬係, SPLG/月供小米/NVDA
想知呀SIR你點分配 會建議平均分配幾隻定單點一隻SPLG ETF會比較穩陣
由於依啲資金作防守/應急用
唔想買太大風險 慢慢增長就可以
短期波動可以接受
本人暫時未有太大負擔
有穩定收入應對日常生活
只係唔想擺係銀行定期度浪費增值時間
亦唔知拎備用金去用作投資是否大膽操作 有冇人會咁做？因為我自己mindset 係備用金係永遠唔會動用 但眼白白睇住佢擺有啲想擺去ETF既想法 但好似有啲冒險咁？
希望呀sir 指點迷津 感謝
龔成老師︰
如果你大前提係，這些資金是用於應急和防守，我建議你保留做定期好了。
因為任何股票再優質，都會有波動，而且短時間不確定性好大。所以，應急資金是不宜投資在優質股上。
而且，你所講月供的股票，除左SPLG外，都是波動性大的潛力股，就更不適合你。
記住投資一定要係閒錢，同埋可以放住數年以上，否則不建議投資。
若你經驗淺，可以先用供一些指數ETF(但你預月供係最少3年，和持有5年計)。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少，VOO或者指數ETF係乜，可以睇翻我之前架Youtube影片︰
https://www.youtube.com/watch?v=RnYZQlSG8qA
Q43210：
龔成老師你好，
今年34歲，有一個1歲小朋友，現在做全職媽媽，老公俾$16000零用錢（如自己唔買嘢可以全儲），現有一間物業放租$14000/月，扣除還款有$11000收入，另有一車位放租$4000，還款$4000，年期15年。
股票持有合共持有$800,000左右
1211，1000股，$210
9988，1200股，$160
823，3000股，$47
6690，1000股，$32
只有1211賺錢
政府債券$83,000
4273，800股，$100
保險（每年供35,000）
人壽，醫療住院各一份，保障將來醫療費用帶來負擔
現金存款$400,000
想問龔sir,自從有了小朋友後理財方面有點迷惘，可否給我些建議，現金存款應怎樣利用，可否再買入股票，現時持有的股票有否需要增持或減持，另外請問有什麼股票或投資策略適合我🙏希望龔sir指點,謝謝。
龔成老師︰
首先，你現時整體投資規劃，係可以和適合你年紀，但有些地方可以優化。
-
物業類已經有唔少，我自己預期未來香港樓只會平穏發展，所以不要再加大這方面投資。
-
持股有質素，但0823近年弱左，長線不要持有太多。同時，潛力股佔你組合比重唔少，長線應加大平穏增長股比例，並以之作為主力。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
以下是有關"平穏增長股"的影片，你可以參考下︰
https://www.youtube.com/watch?v=YJdE6xyUXS0
- 保險方面，如果你擔心住院保障有機會不足，可以考慮加入危疾，去平衡一些大病的支出風險。
危疾，佢賠償係以一個指定金額計算，同醫療保不同。這筆賠償，無指定用途。
因此，危疾除了可用作抵銷部份醫療開支。
- 最後係小朋友部份，我不太肯定"自從有了小朋友後理財方面有點迷惘"這句說話意思，是想了解如何為小朋友儲錢增值???
如是︰
小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。