Q43011：龔成老師你好 本人40歲，從事會計文員工作，租住公屋，一直有置業作自住用途既打算，見最近樓價回落，想買400萬以下既樓。 自從細讀老師著作財務自由行一書，啟發到普通人要儘快儲資產而非現金，逃出有錢人所設計吸錢系統，但回想一旦買樓情況下，感覺上少咗機會去儲資產直到財務自由。 根據下列財政狀况，請老師指教我應該繼續儲資產還是套現部份股票作置業首期？ 股票：$15萬 (美股) + 45萬 (港股) 現金：$5萬 謝謝🙏 龔成老師： 雖然購買物業，會動用了你一筆資金，減少了財富增長的機會，但同時，物業都是一項投資，因此都能助你財富增值，另外，買入物業後，你就能減少了租金方面的支持，而你每月供款，有部分其實是累積資產，所以這個決定，也不是完全負面的。 如果你有需要，加上供得起原則，其實仍可考慮。 當然，較理想的情況，就是你買樓後，仍有一定的股票與現金剩，令你可以從多個途徑，進行財富增值。 但如果你買樓較勉強，會用盡所有資金及供樓吃力，就可能要儲多3-5年錢，或買一些金額較低的物業。 另外，財務自由的關鍵是儲資產，優質股、物業，都是，所以在大方向上，都是進行儲資產的過程，但另一方面，你要加大購買資產的力，即是說，你要盡力提高以收入，令你可以買更多資產，這點也是重要的。
Q43012：早晨sir 我有d人仔現在做定期但少錢 其實化回港元定照定好？ 龔成老師： 如果你持有的比例不太多，可考慮照原有人民幣持有。 人民幣相信匯價會穩定，中短期未必會大升或大跌，所以，你持有港幣或人民幣，其實都並不多。 如果你之後有一些資產想投資，例如人民幣相關股票，就有較明確理由持有人民幣，待之後買入相關資產。 如果之後你打算買入港股，就可以轉翻港幣先。 因此，你應該從長線，整個財富配置的角分析，即是這筆資金，有無甚麼打算，會保守點收息，還是有機會投資股票等工具，不是只睇這一刻高息低息。
Q43013：老師，我本身做零售業嘅而家收入大幅下降，人工係以前嘅三份一左右得兩萬蚊左右，一萬蚊供樓剩餘一萬蚊，如果我想每個月月供$2000買儲蓄保險，月供10年，即係total 240,000然後再擺10年再攞返少少積蓄，定係月供股票好啲呢？因為我想有穩定嘅回報率增加收入，從而早日達到財務自由，如果月供股票應該買邊幾個股票比較穩定又收息比較高呢？定係月供美國蘋果股票好呢？謝謝老師🩷🩷🫡🫡🫡 我而家屯門掃管笏嗰層樓，已經比起五年前買入嗰陣，帳面已經跌咗2,000,000左右 應該繼續收租希望遲啲樓市會回穩唔使蝕錢,負資產🙂↕️🙂↕️🙂↕️🫣🫣 龔成老師： 我較建議月供優質股，因為儲蓄保增長力唔高，除非你好保守，否則唔建議考慮。當然，如果你風險承受能力較低，對投資無乜認識，才考慮儲蓄保這類工具。 但係財富增值方面，你要先弄清楚一個地方。 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。 所以，你現時方向唔係儲收息股，而係應以增值為主，建議你用「平穏增長股」 + 「潛力股」作組合，去創造一個增值平台。 以下是相關優質股，你可以睇下︰ 平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。 另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。 如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。 物業方面，我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。 所以，如果你而個物業長線唔會自住，而租金回報又唔係咁理想，長線你就要思考是否值得長線持有。
Q43014：老師，我沒有從商經驗，覺得年報不容易理解>_