最近寫SQ發現可以試用估值修復呢個方向去搵有估值加速可能性既股票，來增加投資回報率，如果公司收入及利潤增長略為加快，靠估值增加一倍，就算估值升唔到一倍，但股價倍升機會就可以大幅增加。我在港股及美股都用這個方法找了一堆股票逐家去睇佢地歷史估值，睇下有邊間有呢個機會，發現327百富環球是有可能，所以再寫寫。其實我之前在Facebook Page已經寫過百富上半年業績短評，如果有印象可以SKIP左下面斜體既舊文，直接飛去下面睇，如果未睇過就睇下我之前點講佢半年業績。
===============================================================================
百富環球科技(00327)2020年中期業績
有人寫左我唔重複啦,講重點~
https://www.zhitongcaijing.com/content/detail/327008.html
簡單講下,公司做pos機然後賣,香港可能少見佢果隻機,香港人都係do 8達通/do信用卡果d,但佢係比就咁do之外會有多d功能,一陣有介紹
1.公司收入主要係LACIS地區,即係邊? 拉丁美洲(巴西,阿根廷)+蘇聯解體出黎果堆國家(俄羅斯吉爾吉斯果D),佔海外收入50%,上半年收入減5.5%…
2.歐洲中東非洲排第2佔海外收入22.6%,增16.8%,篇文提到PAXSTORE,可以上官網睇睇,有片介紹,我見其中一個幾方便既功能係幫D中小商戶攪D promotion,例如佢有條片係你用同一張卡俾錢買咖啡,以前吸印仔,儲夠印仔有野送,佢就幫你整埋儲印仔呢樣野,雖然唔係咩大功能,不過證明有add value service,唔只係支付only…佢仲有雲功能,上佢個網就可以控制到世界各地自己公司分店D POS機,可以裝佢既APP增加唔同既功能,入面有片介紹
https://www.paxtechnology.com/paxstore
3.亞太地區(APAC)增長最快有46.6%,佔海外收入15%,公司提到日本同印度增長加快,係因為同收單銀行及支付服務商戰略合作,不過就無數睇到係佔幾多…
4.北美,佔海外收入約10%,增長都有35%,美國有SQ果D機競爭,佢真係難入D…
5.中國市場收入應該係同比跌,佔收入只有6.6%,中國競爭太大,而且支付寶微信太普及,小商戶用自己手機收錢都得,唔需要買多部pos機…
由公司業務地區都睇到,中國,美國呢類有自己支付系統公司既地方,百富好難打得入,所以最大業務地區去左LACIS同埋中東非洲東南亞比較落後地區幫佢地改善支付服務同系統,所以公司一直估值唔高, 公司一直收入有雙位數增長,利潤都有增長(不過不太穩定),但近2年市盈率一直跌,由10跌到5.X倍,我估之前管理層趕走分析員都同公司估值下降有DD關係
技術面唔洗我講大家都見,業績後股價2年新高+成交量大增
要了解呢間公司有冇前景要睇LACIS地區+巴西/印度/日本支付市場發展,真係比較難,但中美支付市場發展左幾年,呢類地區應該都會開始發展新支付系統同服務,唔太擔心增長問題,只擔心競爭問題,公司市佔率唔係最大,有2間市佔率大過佢,不過管理層話佢地自己產品開發得多同快,市佔率有希望上雙位數(年初訪問係單位數),聽住先
上半年,3.8億HKD利潤,全年7億應該不難,市場肯俾返10倍市盈率估值佢的話,可以見$6.5,現價$4.55,可以等回調果陣考慮下,我覺得佢會係果D一直無人炒,炒開有人炒果類公司…所以,未必會調好多,分注+睇位入,可能一下爆上去,無人知
===========================================================================================
327是SQ硬件版?
SQ現時只能在美國經營，仍未走出國外，但百富這類公司(有同業競爭)，在不同國家與當地銀行合作，可以看到它們努力進入其他國家的支付生態之中，中美有自己的支付生態，已經不需要POS機，但落後國家未有自己一套支付系統的時候，對這類新的支付方式仍有很大的需求。不過與SQ不同的地方是，327只能做硬件，未進入到支付生態入面，只是能在外圍賺點錢，而SQ主力是支付生態中賺錢，硬件上SQ是不考慮賺錢的。所以SQ做服務增長想像空間會好大，而且每單交易佢都有收入，用佢既店家有收入，SQ就會有收入，所以穩定性好高。327就一次性，賣左硬件俾一家店就要等該店再買硬件升級才有新收入，收入無咁穩定。
疫情下收入不跌反增
由SQ及VISA與MASTER的第2季度收入可見，線下支付的交易大幅減少，但在這種環境下，327的支付終端銷量仍有增長，反映疫情亦阻不了這個支付改革的發展。亦有可能是之前訂單交付，未知之後會否訂單減少收入受負面影響，雖然公司業績用詞未見到有這種擔憂。
市銷率見底回升
百富327市銷率估值由2015年見頂後一直跌，上年已經跌返去2012年時水平。公司近幾年收入增長仍然有雙位數，但股價就疲弱，所以市銷率由2016年4-5倍跌至現時只有1倍，市盈率亦由20倍跌至只有7-8倍。
就如之前分析，買股最佳時機是在市銷率見底準備回升，估值準備加速的時候買入，例如SQ最佳買入時機就係佢市銷率係3倍既時候，而唔係15倍既時候，咁先可以得到估值加速器幫助推升股價。327現時有這個機會，但加速會幾時發生，又是另一難題。
未來估值能否大升關鍵
關鍵就是，公司會否進入服務市場?
但暫時見到公司__服務收入佔比仍然超低__，我估是各國都保障自家利益前題下，未必容許這類公司在交易中收取服務費，另一原因是PAX根本打不入當地結算網絡，所以未能夠從交易中賺取收入。缺少服務收入令公司收入穩定性大幅降低。
公司業績中指出，服務收入主要包括來自提供維護及安裝服務及平台解決方案服務的收入。維護及安裝服務收入來自香港 及意大利。公司指服務收入增加主要由於平台解決方案 收入的增長。但終端上面好似唔係全部產品都係硬件，睇落去佢介紹果度有部份似係軟件產品，例如智能管理及支付一體化解決方案，但可能只係一次性收入，買機跟埋。如果公司可以有D持續性高既服務收入，估值必定會提高。
最後，講技術面，我會睇呢間公司，係因為佢業績後股價轉強。業績公佈後升左兩日，之後就回回回，之後用左3日彈返上去，形左兩點可以畫上升直線，但最近又跌返變左有下降軌，現時應該等待，無貨既就升穿下降先買，有貨就唔好加注了。
未來12個月目標價等如現價升一倍，大約9蚊，市銷率升返上去2或者市盈率上返13-15倍，但今年業績應該都有隱憂，所以要等下一年，投資期會比較長，而且不確定性高，所以風險高。
在現時牛左幾年既市況要搵隻估值低又確定性高既公司，真係唔容易，估值低一定有好大不確定性存在，我已經盡量搵D風險比較低既黎寫，有D估值低但風險太大，估值修復機會亦低既我唔會寫出黎，如果大家有興趣可以俾個LIST大家睇下有D咩係估值低。
TG Group linkhttp://bit.ly/edwardleegp
為咗答謝大家對我的支持, 現在續約發掘10倍股12個月有八折，續約六個月有八五折。
優惠碼：
6 month 15%off: RenewEdward6
12 month 20%off: RenewEdward12
TG Group http://bit.ly/edwardleegp