Q43081：老師，咁多年可能由我20個年，我間唔中開始睇到您的新聞同post都cheerup到我心態同睇完都努力存錢 ，我讀書不好，很難找工 ，而且是女人做勞力工都選擇不多，我做過不同的兼職創業都有，唔當中啊？ 好賺大錢，儲到好少嘅錢，我有試過，好慳，一日三餐，淨系食饅頭，就當減肥，家境就唔需要提啦即係唔係有錢屋企，之後做咗銷售，有一番成績儲到啲錢，之後認識咗前夫，之後直接就冇做嘢，之後發生咗家庭問題情緒當然好差，用咗好多時間去處理。 之前有少少嘅家用但係已經用完，都有好多年，冇出市場做嘢好唔適應，而且本身都唔叻，出黎之後打5份不同的工，當中有人事關係等職場做得好唔開心，做人信心 都無左好多，喺呢幾份工入面，只可以話系生存。 又話人我唔高，敵不過開支，而且宜家又失業，經過咗對上的工作啊？ 而家已經唔想再出去搵工。 我覺得打工有錢可以生存。 但係我冇開心,有時覺得喺屋企唔用錢，簡單咁食啲好簡單嘅嘢。 反而自己仲唔開心，但我知道長期咁樣係唔得。 所以我今次睇到youtube ,我終於下決心搵您請教 我一直都知要錢搵錢同收利息人生先自由，2019年我用咗所有嘅家用儲錯買恒大債輸左身家 ，身上無咩錢 ，我諗得翻20萬 我仲要開支供樓 不過起碼叫做層樓有租收但係都係儲唔到錢，而且我對選擇呢樣嘢已經失去咗信心，因為我錯咗一個好大嘅錯誤，就係投資失誤，其實留得住條命已經好好，雖然我知道我好需要錢去幫助我生活。 有一個舒適嘅環境。 但係對股票，金融產品。 老實講，我好攰，但係我需要面對，但係我真係，好驚會再。 選擇錯誤影響咗我啊，咁多,我知道，世界上冇嘢系安全，但係都需要去學習。 點樣去保護自己嘅財富？ 同埋點樣令到錢搵錢？ 我覺得呢樣嘢係我最需要做嘅嘢。 我如果做唔好呢 一點嘅話我今次，應該好難唔翻身，係啊，所以我想請教下你有咩建議。 如果你睇到可以隨時回信我。 多謝你。嘅時間睇到我. 龔成老師： 其實你都明白到自己面對架問題，同都講到一些重點，我去幫你整理下，再補充一D我地睇法。 首先，工作方面，受現時大環境差影響，要找份好架工作係要較長時間。 我見你以往做過銷售相關工作，這類工作應該求職機會較多，而且做得好，長線收入增長空間都會較闊，你可以考慮下。 至於投資方面，同任何事情一樣，你長線表現和回報，必然係同你架知識水平成正比。 所以，唔好因為之前輸過錢就放棄。反而你係要吸收教訓，找出問題所在，再去重新上路。 投資初學者，我建議先從月供股票入手。因為你未懂定平貴，月供可以平衡這方面風險。 選股方面，你可以集中在一些指數ETF，例如港股盈富(2800)和美股VOO。佢地係一籃子優質股票，分佈在不同行業，具投資價值外，也能分散風險。到你有一定知識，才考慮加入其他個別股票。 現時你可以用每月先用5成儲蓄做月供，其餘先儲起等機會。當大市出現一定程度的下跌，就可以動用現金去投資，在平宜價加大力度掃貨，然後長線投資。 相信這個模式，雖然唔係最賺錢，但對你這類初學者會係最有利。 但你要留意，上述月供方法，雖然可以幫助你在知識不多情況下，進行有限度的財富增值。但長線財富增值要做得好，必需再加強投資知識，提升選股分析和估值能力。令你可以因應市況平貴，自行制定入市策略。 我建議你要多讀投資相關書本、年報，新聞和報讀相關課程。一方面提升知識，另一方面找出過去失利的原因。 書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q43082：龔成老師你好，一直有follow你Facebook，獲益良多，本人有以下投資上的事情，希望老師可以指教： 本人34 歲，每月收入約$33K，現打算買樓自住，但是所欠資金還欠大概約$400,000 ，持有以下股票，請問賣出什麼股票會比較合適作套現之用，萬分感激。 285 : 1,500 @31.33 388 : 200 @386.5 823 : 960 @60.204 270 : 4,000 @10.38 1177 : 9,000 @4.75 1448 : 12,000 @4.745 1810 : 3,600 @11.929 1928 : 800 @27.375 2388 : 1,500 @26.367 2800 : 3,000 @18.198 AMZN : 10 @180.73 NVDA : 11 @127.936 VOO : 2@500 龔成老師： 其實你持有架股票，都有長線投資價值。 如果要減持，可以先集中近年增長力有減少情況的企業，好似0270、0823、1928、1448可以優先。（其實這幾隻股，不是無質素，但相對地，會比你組合其他股的增長力弱）。 餘下的，你按比例慢慢沽就可以。 不過，你唔好一次過沽，要分段去平衡價格波動風險。
Q43083：想問以下股票： 3750 719 2800 0005 0011 值得長期持有？ 增長及收息為主？ 如有債券在手作收息用途 但少？ 應否沽出 作為買入增長股？ 因為年青 應該更積極 因債券回報較少？ 龔成老師： 除左山東新華製藥股份(0719)質素較一般，不宜持有太多，其餘都有長線投資價值。 較高增長︰3750 平穏增長 + 收息︰2800 收息︰0005、0011 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。 例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。 由於你年青，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。 策略上，你可以投資「平穏增長股」和「潛力股」。 你現時0005和0011，由於係收息股，主要收息，增長唔明顯，不適合你年紀(債券都一樣)。 你每月5成儲蓄做月供，其餘先儲起，用一邊月供一邊儲蓄的策略。 選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。 另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。 如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。 如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。 若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。 餘下的另一半現金，我地就等機會，當大市出現較大回調，就加大力度掃貨，然後作長線投資。 以下是有關"平穏增長股"和"潛力股"的影片，你可以參考下︰ https://www.youtube.com/watch?v=YJdE6xyUXS0 https://www.youtube.com/watch?v=u0ADUWkikhU
Q43084：早晨老師，請問依家將手頭上小米換阿里爸爸如何？ 龔成老師： 小米的發展力，會較阿里略好，所以你就算想轉，都只建議減部分轉阿里，不要賣晒。 而在比例上，小米宜比阿里較多。 記住，我地不是睇短期股價，而是睇長期企業發展。
Q43085：澳門幾時會開班？ 龔成老師： 相信在2026年，會在澳門舉辦基礎班！ 你或者可以預早留位，whatsapp 852-55457212，打「留位澳門班」就得。我地有具體資料就會 whatsapp，你可到時先決定報唔報，無所謂。
Q43086：龔Sir！請問將部分285換1177可以嗎？ 龔成老師： 其實兩隻都是有發展力的企業，可同時持有，如果你有285但無1177，可考慮減部分285，轉1177，但都建議留部分285，這股短期雖然一般，但長遠仍有發展力
Q43087：老師好，想問下1093石藥，好不容易返家鄉平均8.3買入，想問睇咩位走？ 謝謝回覆 龔成老師： 石藥（1093）係國內主要醫藥製造商之一。成藥產主要在中國出售，包括抗生素、心腦血管用藥、糠尿病用藥、精神病用藥、抗腫瘤用藥及中醫用藥。 原料藥包括粉狀抗生素、維生素Ｃ及咖啡因，大部分於海外市場銷售。 之前幾年較一般，最近行業有好轉情況，但你都要明白，這股本風險較高，如果你風險承受能力不高，可以現價或上多少少賣出，或減持。 如果你明白風險，同時持貨不過多，這股其實可長線。
Q43088：請問03466（恒生高息股）是好嘅收息股嗎？ 謝謝 龔成老師： 恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。 此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。 不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。 至於此ETF，主要係投資於金融類股份，佔接近4成，其次是佔約2成的地產建築業。 當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。 此股可作收息之用，現價合理，可分注儲貨。
Q43089：請教龔Sir，如果一間企業近兩年財務數據中，收益升15%，毛利升28%，但盈利只升1%，毛利率冇變，但純利率跌15%。咁初步可以點理解／判斷？Thanks! 龔成老師： 可能是貨物成本以外的開支增加，又或崗現了一些特殊開支，要睇年報先有答案。
Q43090：龔SIR:本人還有4年即將退休，現正積極籌備我的退休股票組合，現持有港鐵，港燈，粵海，3190，現還想慢慢物色多兩三隻作未來收息之用，以現價計341大家樂，823領展，3煤氣，，2460華潤飲料，6823香港電信，941中 移動，哪隻價位適合現時收集，還是有其他優質股可考慮，謝謝 龔成老師： 如果仲有4年就退休，就要開始儲各種收息資產，好好準備，收息股是其中一部分。 港鐵，港燈，粵海，3190，都是可長線持有的收息股。 至於其他，可加入3110、6823、941、823、1398都得。