阿sir你好 ，我早排衰玩窩輪輸左15萬 ，而家現金只得18000，月入26000。
這刻已唔炒輪，跟你方法，乖乖月供緊5000蚊0006，想問下有咩投資建議俾到我！感激不盡！
我今年25歲，仲有機會翻身嗎？！
個案重點： ‧25歲 ‧炒輪輸$15萬，現只有$18000現金 ‧月入$26000
重點目標： ‧月供股票策略 ‧如何翻身
龔成老師分析：
我在18歲-23歲的5年，都試過幾次接近輸身家的經驗，雖然個數不算大，但都好痛，當時以為自己玩完。但而家睇翻，我好多謝當時有咁樣的經歷。
我當時都有玩過窩輪，炒過孖展，投機短炒，就係因為我輸過，先知道，呢d方法都係唔work的！之後我就不斷學習，財富先可以穩步增值。
你這刻從基本步開始，一步步累積財富，你一定可以累積到比之前更多的錢，最重要是不要再投機，平穩增值就可以。
你月入$26000，不如試下加大儲蓄金額，逼自己每月儲$10000，只要你平穩投資，基本上5年都可累積到$100萬，都算是不錯。
你月供股票適合的，比起電能（0006），你供盈富（2800）會更好，集中供這隻就得，只要長期進行，不理中短期上落，基本上可累積到一定的財富。
至於現有資金$18000，暫時不要動用，因為你之前太心急賺錢，你要學識耐性，等回報這些技巧。同時，你要強化再強化自己的投資知識，睇多d書，出去上下堂啦，加油！
龔成老師簡介
‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》作者 ‧ 《經濟一週》理財真人Show 節目擔任致富教練 ‧ 曾接受港澳多個傳媒訪問 ‧ 過往於銀行從事投資相關工作多年 ‧ 曾在萬多元月薪狀態下，憑股票累積數百萬財富 ‧ 現為全職投資者，擁過千萬財富 ‧ 於網上分享投資心得，瀏覽量過百萬，為人氣博客，解答網友理財問題逾15,000條 ‧ 《經濟一週》、《華富財經》專欄作家 ‧ 擁財務學學士學位 ‧ 股票課程導師，香港及澳門學生人數逾2,000人 ‧ 過往10年投資成績，過半能獲利超過1倍以上
Facebook 專頁「龔成」粉絲人數超過150,000人